Explicit of MS Pune BORI 165-1883-84
Extract
ID: 99939
Work: Paramārthasārasaṃgraha
Last update: 28.03.2019 - 00:19
Related Manuscripts
Extracted from manuscript: MS Pune BORI 165-1883-84
Ends
paramārthamārgam enaṃ hṛdyasyāprāpya yogam api nāma /
suralokabhogabhāgī muditamanā modate suciram //99//
viṣayeṣu sārvabhaumaḥ sarvajanaiḥ pūjyate yathā rājā /
bhuvaneṣu sarvadevair yogabhraṣṭas tathā pūjyaḥ //100//
yugmam / mahatā kālena punar mānuṣyaṃ prāpya yogam abhyasya /
prāpnoti divyam amṛtaṃ yasmād āvartate na punaḥ //101//
tasmāt sanmārge 'smin nirato yaḥ kaścid eti sa śivatvam /
iti matvā paramārthe yathā tathāpi prayatanīyam //102//
idam abhinavaguptoditasaṃkṣepaṃ dhyāyataḥ paraṃ brahma /
acirād eva śivatvaṃ nijahṛdayāveśam abhyeti //104//
āryāśatena tadidaṃ saṃkṣiptaṃ śāstrāsāram atigūḍham /
abhinavaguptena mayā śivacaraṇasmaraṇadīptena //105// iti śivam //